Blog

વડગામ તાલુકાના ધોતા – સક્લાણા ગ્રામજનો દ્વારા ગામ સફાઈ ની અનોખી પહેલ.

Saklana Gramsafai-1વડગામ તાલુકાના ૧૧૦ ગામો પૈકી મોટા ભાગના ગામો માં વર્ષોથી કચરાના યોગ્ય નિકાલના અભાવે ગંદકીનું મહાસામ્રાજ્ય સ્થપાયું છે જેના કારણે પરોક્ષ કે પ્રત્યક્ષ રીતે આ ગંદકીના ઢગ તાલુકાના પ્રજાજનોના નબળા થતા જતા માનસિક તેમજ શારીરિક સ્વાસ્થ્ય માટે અનેક કારણો પૈકી નું એક મહત્વપૂર્ણ કારણ ગણી શકાય, સ્થાનિક સ્વરાજ્ય ની સંસ્થાઓ આ બાબતે ખાસી એવી ઉદાસ જોવા મળી રહી છે. સરકારી મશીનરી નાં ઉપયોગથી આ બાબતે કાયમી નિરાકરણ મળતું નથી. એક માત્ર વિકલ્પ જો હોય તો એ જનજાગૃતિ છે અને આ બાબત માં ગામડાઓ હજી પછાત અવસ્થા માં છે તેવા સમયે તાજેતરમાં વડગામ તાલુકાના ધોતા- સક્લાણા ગ્રામજનો દ્વારા અને એમાં પણ ગામના વરિષ્ઠ નાગરીકો દ્વારા અર્થહીન બાબતો માંથી બહાર નીકળી ને ખૂબ જ જરૂરી અને પ્રેરણાદાયી કાર્યનો શુભારંભ કરીને ગામવિકાસ નવો ચીલો કંડાર્યો છે જે આવનારી પેઢી માટે દિશાસૂચન કરશે. યોગ્ય દિશાના સામુહિક વૈચારિક પરિવર્તન થકી જ ગોકુળીયા ગામો નિર્માણ થઇ શકે. નિરાશા માં આશા સમાન આવા કાર્યો વડગામ તાલુકાની ઉજ્જવળ આવતી કાલના સ્વપ્નો ને જીવંત રાખવામાં ખૂબ જ મહત્વપૂર્ણ છે. www.vadgam.com ધોતા – સક્લાણા ગ્રામજનોનાં આ પ્રેરણાદાયી કાર્યને બિરદાવે છે અને શુભેચ્છા સહ અભિનંદન પાઠવે છે.

saklana Gram safai-2

This Post Has 1 Comment

Leave A Reply